#Кыскача яңалыклар 05 май 2026, 14:36

М-7 трассасында коточкыч авария: ике кеше һәлак булган

05 май 2026, 14:36

Бүген Биектау районы территориясендә, М-7 трассасында үлемечле юл-транспорт һәлакәте булган.

Скопировать ссылку

Бүген Биектау районы территориясендә, М-7 трассасында үлемечле юл-транспорт һәлакәте булган.

Беренчел мәгълүматлар буенча, 69 яшьлек ир идарә иткән «Лада» автомобиле билгесез сәбәпләр аркасында каршы як хәрәкәт юлына чыккан һәм «КамАЗ» йөк машинасы белән бәрелешкән.

Көчле бәрелеш нәтиҗәсендә җиңел машина йөртүчесе һәм аның белән баручы хатын-кыз пассажир алган җәрәхәтләрдән урында ук һәлак булган.

Фаҗиганең сәбәпләре ачыклана. Әлеге факт буенча тикшерү алды тикшерүе башланган, эш барышы прокуратура контролендә.

Юл хәрәкәте иминлеге белгечләре машина йөртүчеләрне игътибарлы булырга, тизлек режимын сакларга һәм каршы як полосага чыгуның никадәр куркыныч булуын онытмаска чакыра.

Кызыклы яңалыкларны күзәтеп бару өчен безнең МАХ каналына кушылыгыз.