Мәңгелек ут - Бөек Җиңү хакына үз гомерләре корбан иткән кешеләр турында хәтер

Бәйрәм алдыннан ЗАГС хезмәткәрләре гаиләләр белән бергә гуманитар ярдәм җыялар, өйләнешкәннән соң яшь парлар Бөек Ватан сугышы ветеранары һәйкәлләренә һәм мәңгелек утка чәчәкләр сала. ЗАГСларда Россия һәм Татарстан гимнары астында яшь гражданнарга паспортлар тапшыру тантаналары уздырыла. Ел башында ук Татарстан ГХАТ бүлекләрендә «Безнең геройларга» патриотик акциясен эшләтеп җибәрделәр, аның кысаларында күп балалы гаиләләр, яшь парлар, мәктәп, махсус урта уку йортлары укучылары якташларына - хатлар язалар. Акция Халыклар бердәмлеге көнен алдыннан үзенчәлекле мәгънәгә ия булды. "Безнең өчен - ЗАГС коллективлары өчен, - бу гади чара гына түгел, ул гражданлык тәңгәллеген һәм патриотик аңны формалаштыру буенча максатчан һәм күпкырлы эшнең бер өлеше. Мәңгелек ут - Бөек Җиңү хакына үз гомерләре корбан иткән кешеләр турында хәтер. Без үз илебез тарихын белергә, уңышлары белән горурланырга һәм аның киләчәге өчен шәхси җаваплылыгыбызны тоярга тиешбез", - дип билгеләп үтте Татарстан Республикасы Министрлар Кабинетының ЗАГС идарәсе җитәкчесе Эльвира Әхмәтова.