Миңнеханов «Россия автомобиль юллары» дәүләт компаниясе идарәсе рәисе Вячеслав Петушенко белән очрашты

Очрашу Рөстәм Миңнехановның ТР Хөкүмәте Йортындагы эш кабинетында узды.

Татарстан ягыннан очрашуда Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы транспорт һәм юллар хуҗалыгы министры Фәрит Хәнифов катнашты.

Республикада автомобиль юллары челтәрен алга таба үстерү, федераль әһәмияттәге юллар төзүгә бәйле проектларны гамәлгә ашыру мәсьәләләре буенча фикер алыштылар.

Моннан тыш, яклар БРИКС-2025 халыкара автойөрешен Екатеринбург – Мәскәү маршруты буенча (9-15 август) уздыру мәсьәләләре буенча фикер алыштылар.

«Автодор» ДК Екатеринбург – Мәскәү яңа маршруты буенча халыкара автойөреш уздыру инициативасы белән чыкты. Автойөреш «Автодор» дәүләт компаниясенең тизйөрешле автомобиль юллары буйлап уза.

Бүген Казанда тантаналы рәвештә Казан - Мәскәү маршруты буенча БРИКС автойөрешенең икенче этабы ачылачак. Тулырак - https://roadrallybrics.ru/

ТР Рәисе Матбугат хезмәте