Татарстан Республикасында Дәүләт хезмәт инспекциясе бүген штрафлар язучы орган гына түгел, ә профилактика һәм ярдәм институтына әверелә
Бу хакта җитәкче урынбасары Зәйнетдинова А. Х. сөйләде.
Аның сүзләренчә, соңгы елларда инспекция эшчәнлегендә төп басым бизнеска административ басымны киметүгә һәм хезмәт хокукларын бозуны алдан кисәтүгә ясала.
2025 елда инспекция тарафыннан 183 контроль чара үткәрелгән. Әмма төп игътибар профилактикага юнәлтелгән: ел дәвамында 2793 профилактик чара уздырылган. Алар арасында:
-
278 профилактик визит;
-
2515 кисәтү.
2026 елның беренче дүрт аенда ук инде:
Шуларның:
Инспекция фикеренчә, мондый алым эш бирүчеләргә проблемаларны хезмәткәр сәламәтлегенә зыян килгәнче үк төзәтергә мөмкинлек бирә.
Аерым игътибар цифрлаштыруга бирелә. Бүген Татарстанда контроль-күзәтчелек чаралары «Мобиль инспектор» кушымтасы ярдәмендә дә үткәрелә. Әлеге система дистанцион тикшерүләр үткәрергә, видеобәйләнеш аша аралашырга һәм документлар белән онлайн эшләргә мөмкинлек бирә.
2025 елда кушымта ярдәмендә:
2026 елның дүрт аенда бу саннар инде кискен арткан:
-
105 чара;
-
53 тикшерү;
-
52 профилактик визит.
Зәйнетдинова сүзләренчә, система коррупция хәвефләрен дә киметә.
— Инспекторның системага тоташкан планшеты булу — аның шәхси яклавы да. Система килү вакытын, башкарылган гамәлләрне терки, барлык материаллар саклана. Бу эшне җитәкчелек өчен дә, җәмгыять өчен дә үтә күренмәле итә, — дип ассызыклады ул.
Шулай да, кайбер эш бирүчеләр әлегә цифрлы форматка сак карый. Инспекция вәкилләре алар белән аңлату эшләре алып баруларын һәм киләчәктә «Мобиль инспектор»ның өстенлекләре тулысынча бәяләнәчәгенә өметләнүләрен әйтә.
Белгечләр фикеренчә, хезмәт күзәтчелеген модернизацияләү — кәгазьдән цифрга күчү генә түгел, ә бөтенләй яңа фәлсәфә. Хәзер төп максат — тоталь тикшерүләр түгел, ә хәвеф-хәтәрләргә нигезләнгән акыллы контроль системасы булдыру.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар