«Права»гыз гамәлдәме? Кайбер автомобильчеләрнең таныклыклары бүгеннән үз көчен югалтты

Бу хакта Россия Эчке эшләр министрлыгы матбугат үзәгенә ТАСС соравына җавап биргән.

Сүз гамәлдә булу вакыты 2023 елның октябрендә тәмамланган, әмма махсус тәртип нигезендә өч елга автомат рәвештә озайтылган машина йөртү таныклыклары турында бара.

Элегрәк гамәлдә булу вакыты 2022 елның 1 гыйнварыннан 2025 елның 31 декабренә кадәр булган Россия машина йөртү таныклыклары автомат рәвештә өч елга озайтылган иде. Әмма бу тәртипнең гамәлдә булу вакыты 2025 елда тәмамланды.

Шуңа күрә 2023 елда таныклыкларының гамәлдә булу вакыты чыккан автомобильчеләргә яңа машина йөртү таныклыгы рәсмиләштерергә кирәк. 2026 елның октябреннән мондый документлар Россия территориясендә гамәлдә түгел дип санала.

Гамәлдә булмаган яки вакыты чыккан таныклык белән автомобиль йөртү административ җаваплылыкка китерергә мөмкин. Мондый очракта машина йөртүчегә 5 меңнән 15 мең сумга кадәр штраф яный.

Автомобильчеләргә үз таныклыкларының гамәлдә булу вакытын алдан тикшереп, кирәк булган очракта документны яңартырга киңәш ителә.