“Профессионалитет” көллиятләре һәм техникумнарында ачык ишекләрнең бердәм көне 12 апрельдә узачак

8-11 нче сыйныфларда укучы 800 меңнән артык бала һәм аларның ата-аналары кирәкле эшче һөнәрләре белән таныша һәм ихтыяҗ булган белгечлеккә кая укырга һәм илнең әйдәп баручы компанияләренә ничек эшкә урнашырга икәнен белә алачак.

Ачык ишекләрнең бердәм көне кунакларын предприятиегә һәм эш бирүчеләр белән очрашуларга 3 меңнән артык экскурсия, 8,3 меңнән артык һөнәри проба, шулай ук 2 меңгә якын ата-аналар җыелышы көтә, аларда региональ башкарма хакимият органнары җитәкчеләре, шулай ук әйдәп баручы компанияләр вәкилләре катнашачак. Очрашуларда аларны локаль эш бирүчеләр тәкъдим иткән белгечлекләр һәм "Профессионалитет" программалары буенча әзерлек юнәлешләре белән таныштырачаклар, керү мәсьәләләре буенча консультацияләр алачаклар.

Ачык ишекләрнең Бердәм көне чараларының аерым темасы быел көллиятне тәмамлагач студентларга эшкә урнашуны гарантияләүче максатчан укыту булачак. "Профессионалитет" проектын гамәлгә ашыра башлаганнан бирле максатчан укыту турында 53,4 мең килешү төзелгән.

РФ Мәгариф министрлыгы матбугат хезмәте материаллары буенча