Путин укытучылар статусын ныгытучы Указга кул куйган

Документта педагоглар өчен өстәмә социаль гарантияләр һәм ярдәм чаралары каралган.

Указ нигетазендә:

• укытучының җәмгыятьнең интеллектуаль, әхлакый һәм мәдәни үсешендәге әһәмияте рәсми рәвештә таныла;
• педагогларның һөнәри үсеше өчен шартлар тудыру дәүләт гарантиясе булачак;
• педагогик эшчәнлек вакытында тормышына һәм сәламәтлеккә зыян килү куркынычыннан дәүләт яклавы карала;
• дәүләтнең электрон белем бирү ресурсларыннан бушлай файдалану мөмкинлеге бирелә;
• дәүләт музейларына айга кимендә бер тапкыр бушлай йөрү хокукы булдырыла;
• төбәк җитәкчеләренә укытучыларның балаларын балалар бакчаларына беренче чиратта урнаштыру тәкъдим ителә;
• 25 ел педагогик стажы булган укытучыларга «Хезмәт ветераны» исеме биреләчәк;
• Россиядә укытучы статусын раслаучы бердәм таныклык үрнәге эшләнәчәк;
• укытучыларның эш вакыты һәм уку йөкләнешенә карата таләпләр камилләштереләчәк;
• хезмәт юлын яңа башлаган педагогларга кимендә бер ел дәвамында остаз беркетеләчәк;
• педагогларга һөнәри мәсьәләләр буенча түләүсез юридик ярдәм күрсәтеләчәк.

Документ укытучы һөнәренең абруен күтәрүгә һәм педагоглар өчен уңайлырак хезмәт шартлары булдыруга юнәлдерелгән.

Указ 20 июльдә имзаланган көннән үз көченә керде.