#Кыскача яңалыклар 31 июль 2026, 10:07

Россия мәктәпләрендә 1 сентябрьдән төбәкләр икътисады турында яңа дәрестән тыш курс кертелә

31 июль 2026, 10:07

Яңа уку елыннан Россия мәктәпләренең 6–11 сыйныф укучылары өчен төбәкләр икътисады, һөнәри юнәлеш һәм эш белән тәэмин итү мөмкинлекләренә багышланган яңа дәрестән тыш курс гамәлгә кертеләчәк.

Скопировать ссылку

Бу хакта Россия Мәгариф министрлыгының матбугат хезмәте хәбәр иткән.

Министрлык мәгълүматларына караганда, программада һәр төбәкнең икътисады, әйдәп баручы предприятиеләре, хезмәт базарында ихтыяҗ булган һөнәрләр һәм карьера мөмкинлекләре турында кимендә сигез дәрес үткәрү каралган.

Яңа программа моңа кадәр Россиянең 75 төбәгендә сынау узган. Узган уку елында аның кысаларында 280 тематик очрашу үткәрелгән.

Моннан тыш, «Россия – минем офыкларым» курсы кысаларында авыл хуҗалыгы белгечлекләренә аерым игътибар биреләчәк. Укучыларны агросәнәгать комплексының әһәмияте, тармакта кулланылган заманча технологияләр һәм авыл хуҗалыгы өлкәсендәге карьера мөмкинлекләре белән таныштырачаклар.

Шулай ук 2026 елның 1 сентябреннән Россия мәктәпләрендә «Россиянең рухи-әхлакый мәдәнияте» курсын этаплап кертү дә башланачак.

Кызыклы яңалыкларны күзәтеп бару өчен безнең МАХ каналына кушылыгыз.