Россия мәктәпләрендә өйрәнелә торган телләрнең өчтән бере юкка чыгарга мөмкин

Бу хакта «Ведомости» басмасы Россия Фәннәр академиясенең Мәгариф министрлыгы һәм Тел белеме институты мәгълүматларын тикшереп хәбәр итте.

Россия Фәннәр академиясенең Телләр институты классификациясе буенча, юкка чыгу куркынычы астында булган телләр «йоклап китүче» һәм «өзелүче»гә бүленә. «Йоклап китүчеләр» — даими аралашу булмаган телләр, бу телләрдә сөйләшүчеләр, статистика буенча, 40тан артык түгел. Мәктәп программасында мондый «йокыга талган» телләр алты: вода, ижор, саам, энец, ительмен һәм тофалар телләре.

«Өзелгән» статуслы телләрдә даими аралашу сирәк очрый, ә мондый телләрдә сөйләшүчеләр илдә 5000 кешедән артмый. Бу төркем телләрдән мәктәпләрдә идиш, карел һәм фин телләре һәм башкалар өйрәнелә.

Шулай ук мәктәп программасында бер юкка чыккан тел бар — сойот теле, аны 1970 елларда ук әлеге телдә бөтенләй сөйләшүчеләр булмавына карамастан торгызырга тырышканнар. Мондый тырышлыкларга карамастан, статистика күңелсез, чөнки XX гасыр башыннан Россиядә инде 15 тел «йоклап киткән» яки «яшәүдән туктаган».