Россия халкы 86 илгә визасыз керә ала

Бу хакта РИА Новости мәгълүмат агентлыгы хәбәр итә.

“Россиялеләр дөньяның 86 иленә виза рәсмиләштермичә бара ала. Алар арасында: Бразилия, Вьетнам, Кытай, Мальдива, Марокко, Сербия, Таиланд, Төркия, Көньяк Африка республикасы һәм башкалар. Шулай ук 38 ил россиялеләргә гадиләштерелгән керү системасы буенча – электрон виза яки килү буенча виза аша керергә мөмкин. Алар арасында: Мисыр, Һиндстан, Индонезия, Камбоджа, Кения, Мексика, Танзания, Көньяк Корея һәм башкалар”,– дип хәбәр итә аналитиклар.

Искәртеп узарга кирәк, визасыз сәфәрләр өчен, кагыйдә буларак, сәяхәт тәмамланганнан соң кимендә алты ай гамәлдә булган чит ил паспорты да җитә. Аерым очракларда кире билетлар, торак яки финанс хәлен раслау таләп ителергә мөмкин. Электрон визалар исә алдан онлайн рәвештә рәсмиләштерелә, ә килү буенча визалар – турыдан-туры илгә керү пунктларында.

“Россиялеләрнең элеккечә ял итү һәм эшлекле сәфәрләр өчен юнәлешләрнең киң сауйлау мөмкинлеге саклана. Май бәйрәмнәре һәм җәйге яллар сезоны вакытында сәяхәтләр өчен Россия авиакомпанияләренең туры рейслары башкарыла торган илләрне тәкъдим итәргә була. Беренче чиратта, Таиланд, Вьетнам, Индонезия, Кытай, Гонконг, Индия һәм Сейшеллар”, – дип билгеләп үтә белгечләр.