Россиядә рәсми рәвештә «язучы» һөнәре барлыкка киләчәк

1 сентябрьдән Россиядә "Язучы" һөнәре рәсми һөнәри стандартка ия булачак. Бу Россия Цифрлаштыру министрлыгы тәкъдим иткән "Россиянең китап базары" докладыннан күренә. Анда, профстандартны кабул итү әдәби тармакны үстерүгә һәм яклауга юнәлдерелгән иң мөһим инициативаларның берсе булып тора, дип ассызыклана. 

Стандартны кертүнең максаты – һөнәрне законлаштыру һәм әдәбият белән шөгыльләнүчеләрнең хезмәт хокукларын яклауны тәэмин итү. Мәсәлән, язучылар стажны исәпләүгә һәм пенсия рәсмиләштерү процедурасын гадиләштерүгә исәп тота алачак.