#Кыскача яңалыклар 21 июль 2026, 13:35

Россиядә сәламәт гомер озынлыгы 60 ел чамасы тәшкил итә

21 июль 2026, 13:35

Россиядә кешенең актив, хезмәткә сәләтле һәм җәмгыять өчен кирәкле булып яшәү чоры уртача 60 ел тирәсе тәшкил итә.

Скопировать ссылку

Бу хакта Россия Фәннәр академиясе академигы, Россия мәгариф академиясе президенты урынбасары Геннадий Онищенко белдерде.

Аның сүзләренчә, бүген ил алдында төп максатларның берсе — гомер озынлыгын арттыру белән беррәттән, кешеләрнең сәламәт һәм актив яшәү елларын да күбәйтү.

«Гомуми гомер озынлыгыннан тыш, бүген сәламәт тормыш озынлыгын арттыру бурычы куела. Хәзерге вакытта кешенең актив, эшли һәм социаль яктан кирәкле булып яшәү чоры якынча 60 ел тәшкил итә», — дигән академик Мәскәүдәге матбугат конференциясендә.

Онищенко билгеләп үткәнчә, дөньяда уртача гомер озынлыгы якынча 70 ел булса, Россиядә узган ел нәтиҗәләре буенча бу күрсәткеч 74 яшькә җиткән. Ил алдында уртача гомер озынлыгын 78 яшькә кадәр күтәрү бурычы тора.

Белгечләр фикеренчә, сәламәт гомер озынлыгы күрсәткече халыкның тормыш сыйфатын бәяләүдә мөһим роль уйный. Ул кешенең авыруларсыз, мөстәкыйль һәм актив тормыш алып бара алган елларын күрсәтә.

Кызыклы яңалыкларны күзәтеп бару өчен безнең МАХ каналына кушылыгыз.