#Кыскача яңалыклар 31 июль 2026, 13:34

Россиялеләргә 2027 елда ял алу өчен иң отышлы айларны атадылар

31 июль 2026, 13:34

2027 елда еллык ялны дөрес вакытка туры китергән очракта хезмәткәрләр күбрәк акча ала алачак. Белгеч фикеренчә, моның өчен эш көннәре күп булган айларны сайлау отышлырак.

Скопировать ссылку

2027 елда март, июль, август, сентябрь һәм декабрь айлары ял алу өчен финанс ягыннан иң отышлы айлар булачак. Бу хакта РИА Новости агентлыгына юрист Александр Южалин сөйләгән.

Белгеч аңлатуынча, хезмәткәрнең оклады айдагы бәйрәм яки ял көннәре санына бәйле түгел. Әмма һәр эш көненең «бәясе» айдагы эш көннәре санына карап үзгәрә.

Юрист сүзләренчә, ял акчасы исә эш көненең бәясеннән түгел, ә хезмәткәрнең уртача хезмәт хакыннан чыгып исәпләнә. Шуңа күрә ял алу вакытын сайлаганда моны да исәпкә алырга кирәк.

– Әгәр билгеле бер айда эш көне сезнең уртача көнлек керемегездән кыйммәтрәк икән, ул вакытта эшләү отышлырак. Ә эш көне бәясе уртача керемгә якын яки аннан түбәнрәк булса, ялны шул айга планлаштырырга мөмкин, – дип аңлаткан Александр Южалин.

Аның сүзләренә караганда, гыйнвар ял алу өчен иң уңайсыз айларның берсе санала. Чөнки бу айда озын Яңа ел каникуллары аркасында эш көннәре аз, шуңа күрә хезмәткәр күбрәк керемен югалтырга мөмкин.

Ә менә март, июль, август, сентябрь һәм декабрьдә эш көннәре күбрәк булганлыктан, бу айларда ял алу хезмәткәрнең акча янчыгы өчен отышлырак булачак.

Кызыклы яңалыкларны күзәтеп бару өчен безнең МАХ каналына кушылыгыз.