#Кыскача яңалыклар 14 май 2025, 05:07

Рөстәм Миңнеханов кайгы уртаклашты

14 май 2025, 05:07

Смоленск өлкәсе вице-губернаторы Алмаз Әхмәтшинның вафаты сәбәпле, Татарстан Рәисе Рөстәм Миңнеханов туганнарының һәм якыннарының кайгысын уртаклашты. Бу хакта ТР Рәисе матбугат хезмәте хәбәр итә.

Скопировать ссылку

Миңнеханов билгеләп үткәнчә, Әхмәтшин туган ягын чын күңелдән яраткан һәм Татарстанның төзелеш өлкәсендә эшләгән елларында үзен хуҗалык һәм оештырырга сәләтле җитәкче буларак таныткан. Республика Рәисе сүзләренчә, бу сыйфатлар аның муниципаль хезмәттәге эшчәнлегендә аеруча чагылыш тапкан. Әхмәтшин туган ягы Нурлат районы белән җитәкчелек иткән чорда ул территорияне төзекләндерүгә зур өлеш кертә.

«Алмаз Сәлим улы Татарстан командасында җаваплы һәм ышанычлы кешеләр арасында иде. Туганнарына бу авыр югалтуны кичерергә көч һәм сабырлык телим», - дип тәмамлады сүзен Рөстәм Миңнеханов.

«Татар-информ» агентлыгы Алмаз Әхмәтшинның 58 яшендә вафат булганын хәбәр иткән иде. 2023 елдан ул Смоленск өлкәсе Хөкүмәте командасында эшли, төзелеш секторы, юл хуҗалыгы һәм коммуналь инфраструктура өчен җавап бирә. Моңа кадәр ул, үзен югары квалификацияле һәм үз эшенә бирелгән лидер буларак танытып, Татарстан Республикасы үсешенә сизелерлек йогынты ясады.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.

#Миңнеханов