#Кыскача яңалыклар 14 май 2025, 13:56

Рөстәм Миңнеханов «Kazan Halal Market» халыкара хәләл ярминкәсе товарлары белән танышты

14 май 2025, 13:56

KazanForum-2025 кысаларында «Казан» агросәнәгать паркы территориясендә «Kazan Halal Market» халыкара хәләл ярминкә ачылды. Тантанада Татарстан Рәисе Рөстәм Миңнеханов, Казан форумының мактаулы кунаклары катнашты.

Скопировать ссылку

Рөстәм Миңнеханов һәм KazanForum хөрмәтле кунаклары экспозиция белән таныштылар.

Республикада «хәләл» тамгасы белән товар җитештерү күләме, ел саен 10%ка артып, 10 млрд сумнан күбрәк тәшкил итә. 2024 елга продукция экспорты 2023 ел белән чагыштырганда 21,7% үсеш белән 14 млн доллар тәшкил иткән. Быелның 4 ае нәтиҗәләре буенча экспорт 8 млн доллардан артып киткән. Нигездә бу - сөт, ит һәм кондитер продукциясе. 2025 елга бурыч - 17 млн долларлык күрсәткечкә ирешү.

Татарстан хәләл продукциянең төп импортерлары булып БДБ илләре, Монголия, Бразилия, Гыйрак, Мисыр, Согуд Гарәбстаны, Берләшкән Гарәп Әмирлекләре, Алжир тора. Малайзия һәм Мароккога җибәрү мәсьәләсе хәл ителә. Үзара файдалы мөнәсәбәтләр партнерлыкны ныгыта һәм «Экспорт» илкүләм проекты максатларына туры килә.

"Kazan Halal Market" 13 майдан 18 майга кадәр 8:00 сәгатьтән 19:00 сәгатькә кадәр эшләячәк.

ТР Рәисе Матбугат хезмәте

Кызыклы яңалыкларны күзәтеп бару өчен безнең МАХ каналына кушылыгыз.

#Миңнеханов