#Кыскача яңалыклар 29 май 2025, 10:01

Рөстәм Миңнеханов Назрань шәһәрендәге хәтер һәм дан мемориалына чәчәкләр куйды

29 май 2025, 10:01

ТР Рәисе Рөстәм Миңнеханов Назрань шәһәрендәге (Ингушетия Республикасы) Хәтер һәм дан мемориалына чәчәкләр куйды. Бу хакта аның матбугат хезмәте җитәкчесе Лилия Галимова хәбәр итте.

Скопировать ссылку

«Иртән, рәсми чаралар башланыр алдыннан, ул (Рөстәм Миңнеханов - Т-и иск.) Назрань шәһәрендәге хәтер һәм дан мемориалына чәчәкләр салды. Комплекс Ингушетиянең истәлекле даталары һәм вакыйгаларына багышланган», - диелә хәбәрдә.

Искәртеп үтәбез, ТР Рәисе Ингушетиягә 29 майда Мәскәү вакыты белән 00.41 сәгатьтә килде. Сәфәр вакытында ул шулай ук сәүдә-икътисади, фәнни-техник, социаль һәм мәдәни өлкәләрдә хезмәттәшлек турында килешүләргә кул куячак һәм Ингушетиянең уникаль мирасы саналган джейрах манаралары белән танышачак.

Элегрәк Миңнеханов Татарстан белән Ингушетиянең икътисадта, фәндә һәм мәдәнияттә уртак проектлар өчен зур потенциалы булуын әйткән иде.

Кызыклы яңалыкларны күзәтеп бару өчен безнең МАХ каналына кушылыгыз.

#Миңнеханов