Татарча StandUp проекты өченче зур концертына чакыра

Искәртеп узарга кирәк, зур сәхнәдә Татарча StandUp проектының беренче концертлары 2025 елның август һәм ноябрь айларында «Чулпан» мәдәният үзәгендә узды. Февраль концерты исә шундый өченче концерт булачак. 

«Бу концертыбызны без арабыздан киткән дустыбыз — талантлы шаяртучы, сокландыргыч артист, Мамадыш районының Шәдче авылы егете Ленар Галәветдиновка багышлыйбыз. Ул махсус хәрби операция кырларында һәлак булды. Ленар безне, тормышның нинди булуына карамастан, һәрвакыт елмаю өчен сәбәп табарга, кыенлыкларга фәлсәфи карарга, һәрчак позитив фикерләргә өйрәтте. Концертыбызда аның шушы карашын мәзәкләребезгә салырбыз. Монологларыбыздан тыш, сәхнәдән Ленар турында якты истәлекләр дә яңгырар», – диелә проект сәхифәсендәге анонста.