Татарстан иң күп пенсионерлар яши торган төбәкләр унлыгына кергән

Россиядә иң күп пенсионерлар Мәскәү төбәгендә һәм Краснодар краенда яши - аларга барлык өлкән буынның 16% туры килә, дип яза РИА Новости.

Мәскәүдә өч миллион эшләүче һәм эшләмәүче пенсионерлар яши, Мәскәү өлкәсендә — 1,95 миллион, ә Краснодар краенда — 1,6 миллион кеше.
Пенсия алучылар саны буенча бишлеккә шулай ук Санкт-Петербург (1,44 миллион) һәм Свердловск өлкәсе (1,25 миллион) керә. Ростов өлкәсендә 1,15 миллион өлкән яшьтәге кеше яши, Башкортстанда — 1,12 миллион, ә Татарстанда — 1,1 миллион.

Шул ук вакытта Төмән өлкәсендә бер миллионнан артык пенсионер теркәлгән. Пенсия алучылар саны буенча төбәкләр арасында унлыкны 978 мең кеше белән Чиләбе өлкәсе йомгаклый.

Шул ук вакытта Россиядә 15 меңнән кимрәк пенсионер яши торган ике төбәк кенә бар, — Чукотка һәм Ненец автономияле округы.