#Кыскача яңалыклар 25 март 2026, 13:16

Татарстан Милли музеенда БРИКС таҗлары күргәзмәсе ачылды: иң зур таҗ 850 граммнан артык авырлыкта

25 март 2026, 13:16

5 апрельгә кадәр Татарстан Милли музеенда БРИКС илләренең беренче халыкара матурлык конкурсларында җиңүчеләр таҗларын күрергә мөмкин.

Скопировать ссылку

Экспозициядә өч уникаль таҗ тәкъдим ителә: «Magna Augusta» – абсолют җиңүче символы, «Восходящая Августа» – тарихи мирас мотивлары белән, һәм «Цветущая Флоренс Августа» – яшь катнашучылар өчен эшләнгән нәфис бизәнү әйбере.

Иң зур таҗ 850 граммнан артык авырлыкта, анда 1000нән күбрәк бриллиант, энҗеләр һәм кыйммәтле ташлар кулланылган. Аны ясауга 700 сәгатьтән артык вакыт киткән.

Таҗлар «Алтын кладовой» витриналарында 24 марттан 5 апрельгә кадәр куелган.

Билгеле булганча, Татарстанда «Туризм һәм кунакчыллык» илкүләм проекты гамәлгә ашырыла.

Кызыклы яңалыкларны күзәтеп бару өчен безнең МАХ каналына кушылыгыз.