Татарстан Рәисе метро төзелеше белән танышты

Төзелеш мәйданчыгы Ю. Фучик һәм Рихард Зорге урамнары киселешендә урнашкан.

Рөстәм Миңнеханов «Казметрострой» АҖ һәм «Метроэлектротранс» МУП хезмәт коллективлары вәкилләре белән аралашты.

«Казметрострой» АҖ генераль директоры Марат Рәхимов Казан метрополитенының «Тулпар» («Сахарова») станциясеннән "АССРның 100 еллыгы" станциясенә кадәрге линиясенең беренче участогын төзү ничек һәм нинди темплар белән баруы турында сөйләде. Ул Казан метрополитенының икенче линиясе үсеше схемасын тәкъдим итте, бүген файдаланыла торган егәрлекләр һәм ресурслар турында сөйләде.

Аннары «ТАССРның 100 еллыгы» станциясендә «Айсылу» тоннель үткәрү комплексы эшләтеп җибәрелде.

Чираттагы метро станциясенең төзелеш мәйданчыгында Казан мэры Илсур Метшин, ТР төзелеш, архитектура һәм ТКХ министры Марат Айзатуллин һәм башкалар катнашты.

Аерым алганда, Илсур Метшин Татарстан башкаласы халкы исеменнән Рөстәм Миңнехановка Казан метрополитенын үстергәне өчен рәхмәт белдерде. "Казып юл яруларның чираттагы этабы тәмамланды, - диде ул. - Казанлылар өчен бу бик мөһим, бик зур рәхмәт».

Үз чиратында, Рөстәм Миңнеханов барлык метро төзүчеләргә, шулай ук «Метроэлектротранс» хезмәткәрләренә хезмәтләре өчен рәхмәт белдерде.

"Казметрострой" АҖ генераль директоры Марат Рәхимов Универсиада авылы ягына метро төзү планын тәкъдим итте.

ТР Рәисе Матбугат хезмәте