Татарстан Рәисен Луганск һәм Донецк халык республикаларында, Херсон өлкәсендә дә сайлыйлар

Экстерриториаль участокларда узган сайлаулар турында Россия Иҗтимагый палатасының тавыш бирүне иҗтимагый контрольдә тоту буенча эшче төркеме җитәкчесе урынбасары Александр Малькевич сөйләде. 
- Шунысы мөһим, геройлар, сугышчылар гына түгел, төзүчеләр, республиканың барлык вәкилләре дә - вакытыннан алда тавыш бирү кысаларында Татарстан өчен төп сайлауларда тавыш бирү мөмкинлеге алды. Бу рәвешле яңа төбәкләрдә хезмәт итүче сугышчылар кече Ватаннары белән элемтәләрен югалтмый. Республика аларга ярдәм итә. Тавыш бирү - үзара бәйләнешнең иң югары ноктасы, - дип белдерде Александр Малькевич.
Аның сүзләренчә, Татарстан патриотик трендлар үзәгендә тора. Мәсәлән, МХОда катнашучылар үзидарә органнарына, шул исәптән Казанда да, кандидатлар булган. 
Малькевич Татарстан Луганск халык республикасында зур эшләр башкаруын билгеләп үтте. Шефлыкка алынган Лисичанск һәм Рубежное шәһәрләрендә яшәү өчен уңайлы шартлар тудыруга зур көч куела. Спикер республиканың шәһәрләр өчен башкарылган эшләрне үз күзләре белән күрүе турында әйтте.