Татарстан трассасындагы авариядә 16 яшьлек кыз һәлак булган

Фаҗига 26 апрель төнендә «Татар Әҗиле – Мамадыш – Әкил» автоюлының 3 нче чакрымында булган.

Дәүләт автоинспекциясе мәгълүматларына караганда, Renault Logan машинасы руле артында 18 яшьлек егет исерек хәлдә булган. Тиешле тизлекне арттырып ул идарә итүне югалткан, шуңа автомобиль юл кырыена чыгып, металл киртәгә бәрелгән һәм әйләнеп капланган.

Һәлакәт аркасында 16 яшьлек пассажир кыз урында ук җан биргән. Шулай ук машинада булган тагын ике яшүсмер — 13 һәм 14 яшьлек пассажирлар төрле җәрәхәтләр белән хастаханәгә озатылган.

Ачыкланганча, машина йөртүче исерек хәлдә булган, моннан тыш машина йөртү таныклыгы булмавы ачыкланган.

Фаҗига урынына Яшел Үзән прокуроры вазыйфаларын башкаручы Марс Иббәтов килгән. Тикшерү барышы прокуратура контроленә алынган.

Хокук саклау органнары әлеге хәлнең барлык нечкәлекләрен ачыклый.