Татарстан халкы гомерләрне саклап калу һәм фронтка ярдәм итү өчен премиягә дәгъва итә ала

Гаризаларны 10 ноябрьгә кадәр тапшырырга мөмкин.

Быел премиядә дүрт номинация каралган:

🔹 «Яшь герой» — 17 яшькә кадәрге, геройлык кылган балалар өчен;

🔹 «Безнең заман герое» — 18 яшьтән өлкән, каһарманлык күрсәткән кешеләр өчен;

🔹 «Буыннарның хезмәт батырлыгы» — Татарстанда сәнәгать үсешенә аерым өлеш керткән кешеләр өчен;

🔹 «Фронтка ярдәм» — Донецк һәм Луганск халык республикаларына, шулай ук Курск, Запорожье һәм Херсон өлкәләренә гуманитар йөкләр җыюда һәм җибәрүдә актив катнашкан оешмалар, дәүләт хакимияте органнары, мәгариф учреждениеләре һәм волонтерлар өчен.

Проектның максаты — кешеләрнең геройлык гамәлләрен, хезмәттәге казанышларын һәм гуманитар ярдәм күрсәтүдәге өлешен билгеләп үтү.