Татарстанда янгында ир белән хатын һәлак булган: улларын ут төртүдә шикләнәләр

Янгын вакытында ике кеше һәлак булган

Тикшерү комитетының Татарстан буенча матбугат хезмәте хәбәр иткәнчә, вакыйга узган төндә булган. Тикшерү версиясе буенча, 51 яшьлек ир-ат, алдан исерек хәлдә булып, әти-әнисе йортындагы бүлмәләргә җиңел янучан сыеклык сипкән һәм ут төрткән. Янгын аркасында йорт хуҗалары — 79 яшьлек ир-ат һәм 77 яшьлек хатын-кыз һәлак булган.   

Шикләнелүченең хатыны һәм 16 яшьлек кызы да зыян күргән

Янгын вакытында шикләнелүченең үзе, хатыны һәм 16 яшьлек оныгы пешкән. Алар Буа үзәк хастаханәсенә озатылган. Тикшерүчеләр «гомумкуркыныч ысул белән кылынган ике кешене үтерү» маддәсе буенча җинаять эше кузгаткан.

• Шикләнелүче тоткарланган. Вакыйганың барлык шартлары ачыклана.