Татарстанда йорт чатларының 60% тан артыгы МАХ мессенджерына күчерелгән

Республиканың Төзелеш министрлыгы мәгълүматлары буенча, МАХ милли мессенджерына республиканың 18 мең күпфатирлы йортыннан 11 мең йорт чаты күчерелгән, бу 61% тәшкил итә, дип хәбәр иттеләр республика киңәшмәсендә.

Параллель рәвештә республикада коммуналь инфраструктураны модернизацияләү тәмамланып килә: программа 98% ка үтәлгән, 144 объектның 133е тәмамланган. Шулай ук «экологик иминлек» милли проекты кысаларында Казанда ләм кырларын рекультивацияләү 93% ка башкарылган.