Татарстанда ипотека кредитлары бирү ике тапкырга диярлек кимегән

Бу хакта ТР Министрлар Кабинетында узган брифингта ТР Төзелеш, архитектура һәм ТКХ министры Марат Айзатуллин хәбәр итте.

«Быелның сигез аенда сумнарда бирелгән ипотека кредитларының гомуми күләме узган ел белән чагыштырганда 40% ка кимеде", - диде министр.

Күрсәтелгән чорда 75,9 млрд сумлык 16,8 мең ипотека кредиты бирелгән, узган ел шул ук чорда 132 млрд сумлык 35,3 мең кредит бирелгән. Шуңа да карамастан, сигез ай эчендә торак сату 21% ка диярлек арткан, 2024 елның шул ук чоры белән чагыштырганда – узган ел 97,8 млрд сумнан, быел 118,2 млрд сумга кадәр.