Татарстанда кайбер фән укытучылары өчен акчалата ярдәм күләме арттырылган

Республика Министрлар Кабинетының тиешле карарын ТР Премьер-министры Алексей Песошин имзалаган. Элегрәк ул коррупциягә каршы экспертиза узган иде.

Физика-математика профиле укытучылары арасында грантлар алучылар саны элеккеге 100 дән 130 га кадәр, ә педагоглар – физика-математика түгәрәкләре җитәкчеләре арасында 100 дән 200 гә кадәр арткан.

Шул ук вакытта физика-математика профилендәге яшь укытучылар арасында ярдәм алучылар саны 150 дән 100 гә кадәр кимеде.

Грант түләүләренең күләме үзгәрешсез кала: 344 828 сум – физика-математика профиле укытучылары өчен, 275 862 сум – тиешле профильдәге яшь педагоглар өчен, 103 448 сум – физкультура түгәрәкләре җитәкчеләре өчен.

Физика, математика һәм информатика педагогларына түләүләр күләме узган елның көз башында арттырылган иде.