Татарстанда кыраулар һәм кар явуы көтелә

Төнлә урыны белән йомшак яки уртача кар явачак, ә көндез явым-төшем булмаячак диярлек.

Җил үзенең юнәлешен үзгәртәчәк-төньяк-көнбатыштан ул көньяк-көнбатышка күчәчәк. Аның тизлеге секундына 7-12 метр тәшкил итәчәк, ә кайбер районнарда тизлек секундына 15-20 метрга җитәргә мөмкин.

Һава температурасы төнлә һәм иртән һавада да, җир өстендә дә 0° -5° ка кадәр төшәчәк. Көндез термометр баганалары +9 +14°ка кадәр күтәреләчәк. Төнлә һәм иртән юлларның аерым участокларында бозлавык хасил булуы ихтимал.