Татарстанда җылы һава торышы сакланачак: яңгырлар туктаячак

Төнлә яуган яңгырлар көндез туктаячак, республикада алмашынучан болытлы һава көтелә.

Көнбатыштан искән җилнең тизлеге секундына 6–11 метр тәшкил итәчәк, урыны белән 14 метрга кадәр көчәергә мөмкин. Җил Казанда да сизелерлек булачак.

Төнлә һава температурасы +3...+8 градус тирәсендә сакланачак. Көндез республикада һава +10...+15 градуска, Казанда исә +12...+14 градуска кадәр җылыначак.

Ягъни, яңгырлар чигенеп, Татарстанда җылы көзге көннәр дәвам итәчәк.