Татарстанлыларны ноябрьдә елның иң кыска эш атнасы көтә

Өстәвенә, аларның икесе кыскартылган булачак.

2 ноябрьдән 8 ноябрьгә кадәрге атнада татарстанлылар 2, 3 һәм 5 ноябрьдә эшкә чыгачак. 3 ноябрьдә эш көне бер сәгатькә кыскартылачак. Бу 4 ноябрьдә билгеләп үтелә торган Халыклар бердәмлеге көне белән бәйле.

5 ноябрьдә дә эш көне кыскарак булачак. Чөнки икенче көнне, 6 ноябрьдә, Татарстан Республикасы Конституциясе көне билгеләп үтелә. Бу — республикада бәйрәм көне.

Шуннан соң татарстанлыларны ике көнлек ял көтә: 7 һәм 8 ноябрьдә, шимбә һәм якшәмбе көннәрендә, эшкә барырга кирәк булмаячак.

Шулай итеп, ноябрьнең беренче атнасында биш көн урынына өч көн генә эшләргә туры киләчәк. Бу 2026 елда эш көннәре иң аз булган атна булачак.

Җитештерү календаре мәгълүматларына караганда, 2026 елда Татарстанда биш көнлек эш атнасы буенча барлыгы 244 эш көне һәм 121 ял һәм бәйрәм көне каралган.