Татарстанның электрон Мактау тактасы август башында эшли башлый

Бу хакта ТР хезмәт, мәшгульлек һәм социаль яклау министры Эльмира Зарипова Төбәк белән идарә итү үзәгендә узган туры эфир барышында хәбәр итте. “Бу матди булмаган үзенчәлекле бүләкләү формасы. Төрле предприятиеләрдә алдынгы хезмәт кешеләре эшләвен һәм аларның шәһәр, район үсешенә өлешен кертүен күрсәтү мәйданы. Һәр заманның үз геройлары бар. Бүген безгә батырларны данлау кирәк.

Биредә без сугыш кырларында батырлык күрсәткән һәм төзелеш, транспорт, авыл хуҗалыгы өлкәләрендә эшләгән хезмәт алдынгыларын күрсәтәтәчәкбез”, – дип сөйләгән ул. Почетлы электрон тактасын формалаштыруда республиканың 4 900 предприятиесе катнашкан. Биредә сугыш, хезмәт батыры булган 15 346 кеше тәкъдим ителгән. Мәгълүматларны ел саен яңартып торачаклар.