#Кыскача яңалыклар 21 июль 2026, 16:44

«Татарстанның иң яхшы товарлары һәм хезмәтләре» конкурсына йомгак ясалды

21 июль 2026, 16:44

«Россиянең иң яхшы 100 товары» бөтенроссия конкурсының төбәк этабы саналган «Татарстан Республикасының иң яхшы товарлары һәм хезмәтләре» республика конкурсына нәтиҗәләр ясалды.

Скопировать ссылку

Быел бәйгедә 215 предприятие һәм халык һөнәрчеләре катнашып, 358 төрле товар һәм хезмәт тәкъдим иткән. Аларны профильле министрлыклар һәм ведомстволар вәкилләреннән торган эксперт комиссияләре бәяләгән.

Нәтиҗәдә 156 лауреат, 139 I дәрәҗә дипломант һәм 27 II дәрәҗә дипломант билгеләнгән. Җиңүчеләрнең тулы исемлеге Татарстан Республикасында стандартлаштыру, метрология һәм сынаулар дәүләт төбәк үзәге сайтында урнаштырылган.

Конкурс Татарстан җитештерүчеләренә ярдәм итү, төбәкнең югары сыйфатлы продукция җитештерүче буларак абруен күтәрү максатыннан үткәрелә. Хәзер җиңүчеләр «Россиянең иң яхшы 100 товары» конкурсының федераль этабында катнашу өчен гаризалар тапшыра ала.

Кызыклы яңалыкларны күзәтеп бару өчен безнең МАХ каналына кушылыгыз.