Васильевода этләр һөҗүме турындагы эш буенча Әйшә авыл җирлеге Советы депутаты тоткарланган

Җитәкчене вазыйфаи вәкаләтләрдән намуссыз файдалануда шикләнәләр, дип хәбәр итә Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий.

Тикшерүчеләр фикеренчә, ул «Кот и Пес» хәйрия фонды белән, аның йөкләмәләрен үтәргә сәләтсезлеген белә торып, дәүләт контракты төзегән. Контракт суммасы 5,3 млн сум тәшкил иткән. Тикшерү версиясе буенча, депутат хуҗасыз этләрне тоту буенча гаризаларны вакытында җибәрүне контрольдә тотмаган.

Хәзерге вакытта этләр һөҗүменнән зыян күргән бала үпкәләрнең ясалма вентиляциясе аппаратына тоташтырылган, аның тормышы өчен табиблар көрәшә.