Хәрбиләргә нинди акчалата компенсацияләр бирелә?

Хәрби ведомство өстәмә ял көннәре бирү урынына акчалата компенсация түләү кагыйдәләрен ачыклаган. Хәзер аны узган ай өчен акчалата түләү белән бер үк вакытта алырга мөмкин булачак. Тиешле боерыкны министр Андрей Белоусов имзалаган. «Парламентская газета» хәрбиләргә тагын нинди акчалата компенсацияләр тиешлеген искә төшерә.

Барлык эшләүчеләргә кебек үк, контрактчыларга да эш вакыты регламенты билгеләнгән-атнага 40 сәгатьтән артык түгел. 
Канун буенча хәрбиләрне вакыт буенча чикләнмәгән чараларда катнашырга җәлеп итәргә мөмкиннәр. Аларга хәрби дежурлык, оператив-тактик, команда-штаб һәм өйрәнүләрнең башка төрләре, маневрлар, яңа техниканы сынау һәм башкалар керә. Аларда катнашкан өчен өстәмә ял көннәре карала. Контрактчылар теләге буенча аларны акчалата компенсациягә алыштырырга мөмкин. 

Моннан тыш, хәзер инде хәрби часть командирлары үз приказларында түләү суммасын күрсәтүдән азат ителгән. Аларга компенсация түләнәчәк ял көннәре санын гына билгеләү дә җитә. 

Контракт буенча хезмәт итүче хәрбиләргә тимер юл, һава, су һәм автомобиль (таксидан тыш) транспортыннан файдаланган өчен чыгымнарны каплаячаклар.

Ял итү урынына бару һәм кире кайту өчен акчалата компенсацияне хәрби гаиләсенең бер әгъзасы да алачак.
Хезмәттән азат ителгәндә яисә яңа урынга күчерелгәндә контрактчылар гаилә әгъзаларын бушлай сәфәр генә түгел, ә транспортта 20 тоннага кадәр шәхси милекне илтү хокукына ия.

Хәрбигә һәм аның гаиләсенә хезмәт торагы бирергә, ә ул булмаган очракта — фатирны арендага алу өчен компенсация түләргә тиешләр. Аның күләме асылда тотылган чыгымнарга тигез.

Советлар Союзы Геройларына, Россия Федерациясе Геройларына һәм Дан орденының тулы кавалерларына автомобиль ягулыгына чыгымнарны айга 100 литр югары октанлы бензин исәбеннән акчалата компенсацияләү каралган.

Шулай ук контрактчылар, шул исәптән хәрби хезмәттән азат ителүчеләр дә, кием урынына акчалата компенсация алырга мөмкин.