Уй язмышны үзгәртә аламы? Алсу Исмәгыйлева язмышлары

Әмма аларны берләштергән гамәлләр дә бар. Алар иң элек үзләренең уй-фикерләрен үзгәрткәннәр. Тормышларына яңа төсмерләр өсти алганнар. Тантаналы кичәдә аларның һәрберсе диярлек катнашты, күз яшьләре аша үз язмышларын үзләре бәян итте. Яңа китап күпләрнең кулларына килеп керде. Әле аны укыгач, тагы да фикерләр туар әле. 
Чарада катнашучылар  мастер-класслардагы кызыклы фикерләрне дә тыңладылар.

Татарстан китап нәшрияты чыгарган "Уй+Гамәл= Язмыш" китабы татар дөньясында моңарчы булмаган эчтәлеккә ия. Рус һәм чит илләр әдәбиятында, мәдәниятында яшәү, акча эшләү, бәхет, уңыш серләре турындагы мотивацион китаплар күптәннән чыгып килә. Татар телендә моңарчы мондый китапларның булганы юк иде. Алсу Исмәгыйлева билгеләп узганча, нәшрият директоры Рөстәм Галиуллин аңа шундый характерда китап язу тәкъдиме белән ул Дубайда, диңгез буенда ял иткәндә чыккан. Китап бик тиз арада, нибары ике ай эчендә язылып та беткән. Тиражы 5000 данә белән чыккан. шул ук Рөстәм Галиуллин билгеләп узганча, бу бик аз әле. Чөнки мондый китапларга сорау булачак.

"Һәрбер тәҗрибә - ул шулай ук зур байлык. Исегездә калдырыгыз: вакыт - ул бәрәкәт. Без нишләптер байлыкны акча, милек белән бәяләргә өйрәнгән. Ләкин иң зур байлык - ул безнең вакытыбыз. Безнең нишләптер социаль челтәрләрдә озаклап утырырга, сериаллар карарга, гайбәт сатып чәйләр эчәргә вакытыбыз бар. Ә үзебезнең тормышны үзгәртергә вакыт җитми. Без аны вакыт юк дип  әйтәбез. Шушы китаптан дөрес сорауларга җавап биреп, вакытыңны бәрәкәт итеп караганнан соң, бәлки фикерләрең бераз булса да, үзгәрер. Минем максат - бераз булса да сезнең күңелегезгә шушы уйларны сеңдерү иде", -  дип белдерде Алсу Исмәгыйлева китапны тәкъдим итүгә җыелган күпсанлы укучыларга.