#Мәгариф 09 апрель 2021, 17:46

Иң  яхшы татар теле укытучылары билгеле

09 апрель 2021, 17:46

Татарстанда “Иң яхшы татар теле һәм әдәбияты укытучысы – 2021” бөтенроссия конкурсынының җиңүчеләрен игълан иттеләр. Башкортстанның Нефтекама шәһәре укытучысы Галия Корбанова һәм Актаныш сәләтле балалар өчен гуманитар гимназия-интернаты мөгаллиме Чулпан Шәрипова җиңүче булып танылды.

Скопировать ссылку

Бәйгедә быел барлыгы 32 укытучы (шуларның 12се – төрле төбәкләрдән) катнашкан. Алар арасыннан регионнардан, Татарстаннан берешәр иң яхшысын сайлап алганнар.

Чулпан Шәрипованың гимназиядә укыта башлавына – 7 ел. Соңгы вакытта ул әдәбият дәресләрен 3 D күзлекләр ярдәмендә алып бара. Виртуаль дөнья балаларга әсәрләрне яхшырак тоярга ярдәм итә.“Әдәбият дәресләре буенча мультимедиа кушымталары аз, шуңа күрә аны үзебез эшлибез”, – ди ул.

Галия Корбанова Башкорстанның Нефтекама шәһәрендәге 10 нчы мәктәп “белем бирү үзәгендә” 15 ел белем бирә. Эш стажы – 20 ел. Аның укучылары биш ел рәттән республика, халыкара олимпиадаларда җиңү яулый.
– Дәрестә генә телне өйрәнә алмыйлар. Шуңа күрә өйдә дә сөйләшергә кирәк. Әти-әниләр белән бергәләп эшлибез. Шәһәрдә – рус мохите булса да, укучыларым татарча сөйләшә, –ди Галия Корбанова.

Таңсылу Габидуллина, magarif-uku.ru

Кызыклы яңалыкларны күзәтеп бару өчен безнең МАХ каналына кушылыгыз.