#Мәгариф 19 август 2022, 10:26

Россиянең “Ел укытучысы – 2022” бәйгесендә Татарстан данын Илсур Зиһаншин яклаячак

19 август 2022, 10:26

Россиянең “Ел укытучысы – 2022” Бөтенроссия бәйгесендә илнең иң яхшы укытучылары катнаша. Алар арасында Казан шәһәре 2нче лицей-интернатының җәмгыять белеме укытучысы Илсур Зиһаншин да бар. Быел ул Татарстанның иң яхшы укытучысы исеменә лаек булды.

Скопировать ссылку

Россиянең “Ел укытучысы – 2022” бәйгесендә Татарстан данын Илсур Зиһаншин яклаячак

Илсур Зиһаншин 2013 елда Мәскәүнең Югары икътисад мәктәбен тәмамлаган. Шунда ук кандидатлык диссертациясен яклаган. Инде 13 ел Казанда укытучы булып эшли.

“Минем миссия – хәзерге заманда укучыларга үзләрен, үз хокукларын һәм вазыйфаларын танып белергә ярдәм итү. Дәресләрдә төп максат – фикерләүне үстерү. Ә төп коралыбыз – стандарт булмаган мәсьәләләр. Аларны без укучылар белән бергә уйлап чыгарабыз”, - ди Илсур Рөстәм улы.

12 ел эчендә Илсур Зиһаншин укучылары төрле олимпиадаларда 120 призлы урын, шул исәптән абсолют җиңүче исемен яулаган.

Россиянең “Ел укытучысы” бәйгесенең беренче һәм икенче турлары 20 сентябрьдән 5 октябрьгә кадәр Төмән шәһәрендә узачак. Финал һәм җиңүчеләрне тәбрикләү тантанасы 5 октябрьгә билгеләнгән. Тантаналы чара Кремльдә узачак.

Кызыклы яңалыкларны күзәтеп бару өчен Т елеграмга кушылыгыз.