Игътибар: "Мин дә кино төшерәм!" бәйгесе

Җәй - күпләрнең көтеп алган ел фасылы. Тормышыбыздагы иң кызыклы, иң истәлекле мизгелләр дә безнең күбрәк әлеге ел фасылы белән бәйле. Чөнки җәй - яллар, сәяхәтләр вакыты да. Гадәттә, кызыклы күренешләрне, вакыйгаларны, һәммәбез фотога, видеога төшереп истәлеккә калдырабыз. Без игълан иткән бәйге сезнең истәлекләрегезне тарихка кертеп калдыру белән беррәттән кызыклы бүләкләре белән дә сөендерәчәк. Бу ел кино елы булу форсатыннан файдаланып, "Мин дә кино төшерәм" дигән бәйгене башлап җибәрәбез. Аның шарты бик гади: тормышыгызда булган, кызыклы дип тапкан бер мизгелне видеога төшереп, безгә юлларга. Видеолар 30 секундтан артмаска тиеш һәм бер катнашучы үзенең 3 "эшен" тәкъдим итәргә мөмкин.

Бәйгегә материаллар 2016 елның 25 июленнән 31 августына кадәр кабул ителә.

Барлык видеолар да 1 сентябрьдә "Шәһри Казан"ның сайтына куела һәм алар өчен тавыш бирү башлана. Тавыш бирү 25 сентябрьгә кадәр дәвам итә, иң күп тавыш җыйган 3 видео җиңүче була. Җиңүчеләрне махсус бүләкләр, калган барлык катнашучыларны дипломнар көтә.

Конкурска материалларны "Вконтакте" группасының редакторына һәм shahri-kazan@tatmedia.com адресына юллый аласыз.

Бүләкләр:

1 урын - Казан буенча экскурсия һәм 2 сәгатьлек фотосессия;

2 урын - селфи таягы һәм 1 сәгатьлек фотосессия;

3 урын - фотосессия.