#Сәясәт 13 ноябрь 2025, 14:27

Ноябрь бәйрәмнәрендә Казанга күпме турист килүе билгеле булган

13 ноябрь 2025, 14:27

М-12 трассасы ачылуы һәм авиаэлемтә урнаштырылуы нәтиҗәсендә Татарстан башкаласында Уралдан килгән туристлар санының артуын билгеләп үтәләр.

Скопировать ссылку

Ноябрь бәйрәмнәрендә Казанга күпме турист килүе билгеле булган

2 ноябрьдән 4 ноябрьгә кадәр Казанда 100 меңнән артык турист булып киткән. Шәһәргә сәяхәткә дип ешрак Мәскәү, Мәскәү өлкәсе, Санкт-Петербург, Самара, Самара һәм Ульян өлкәләре, Чуваш Республикасы, Мари Эл һәм Башкортстан Республикасы халкы килгән. Казанга килгән кунакларның 70 проценты әлеге яклардан, дип хәбәр итә Туризмны үстерү комитеты.

М-12 трассасының ачылуы һәм авиаэлемтә урнашуы нәтиҗәсендә Казанда Уралдан сәяхәтчеләр арткан: Чиләбе, Курган һәм Омск өлкәләреннән, Ямал-Ненец округыннан туристларның Казан белән ешрак кызыксынуларын билгеләп үтәләр. Шулай ук башкалага сәяхәтчеләр Үзәк Россиядән – Владимир, Калуга, Рязань һәм Тула өлкәләреннән дә килә.

Казан чит ил кунакларының да игътибарын җәлеп итә: шәһәрдә еш кына Һиндстан, Кытай, Төркия, Иран һәм Белоруссия туристларын күрергә була.

Казанда кунаклар уртача ике көн булган. Казан сәяхәтчеләре тарафыннан иң популяр истәлекле урын буларак Казан Кирмәне сайланган. Бәйрәм көннәрендә бирегә 65 меңнән артык сәяхәтче килеп киткән. Шулай ук туристлар «Казан» гаилә үзәгендә (4,2 мең кеше) һәм «Шәһәр панорамасы» музеенда (меңгә якын кунак) булганнар.

Мәдәни һәм тарихи маршрутлардан тыш, кунакларны аш-су өлкәсендәге чаралар да җәлеп иткән: күп кенә рестораннарда кичке бәйрәм ашлары һәм остаханәләр оештырылган.

Элегрәк хәбәр ителгәнчә, Казан Россия буенча ял итү өчен уңайлы юнәлешләр өчлегенә кергән. Татарстан башкаласы Санкт-Петербург һәм Краснодар өлкәсеннән генә калыша. Казан сәяхәтчеләр тарафыннан бронь ясау буенча өченче урынга чыгып, әлеге юнәлештә Мәскәүне 5,4 процентка узып китте.

Кызыклы яңалыкларны күзәтеп бару өчен безнең МАХ каналына кушылыгыз.