Язгы арыганлык: ничек уянырга һәм энергияне кире кайтарырга?

Белгечләр әйтүенчә, бу очраклы түгел: табигатьтәге үзгәрешләр безнең биологик сәгатьләргә һәм гормональ системага турыдан-туры тәэсир итә. Урта яшьтәге кешеләрнең якынча 60 проценты язын нәкъ менә шундый халәт кичерә.

Язгы арыганлыкның төп сәбәбе

Организмдагы төп “гаепле” — Кортизол гормоны. Ул стрессларга яраклашу, энергия алмашу һәм организмны тонуста тоту өчен җавап бирә.

Кыш айларында бу гормон югарырак була, чөнки организм кыска көннәргә ияләшә. Ә яз җиткәч, аның дәрәҗәсе табигый рәвештә кими. Нәкъ менә шул вакытта:

* йокысызлык барлыкка килә,
* тиз ярсу, борчылу көчәя,
* хәтер һәм игътибар начарая,
* даими арыганлык хисе туа.

Ничек язын энергия тупларга?

1. Кофеинны киметегез

Күпләр каһвә белән “котылырга” тырыша, ләкин ул киресенчә Кортизол күләмен арттыра. Шуңа күрә кофе, куе чәй һәм газлы эчемлекләрне чикләү файдалырак.

 2. Йокы режимын тәртипкә китерегез

Сыйфатлы йокы — төп шарт. Моңа Мелатонин гормоны ярдәм итә.

* бүлмәдә караңгылык булдырыгыз (blackout пәрдәләр);
* йоклар алдыннан 1–2 сәгать гаджетлар кулланмагыз;
* бүлмәне җилләтегез.

3. Стрессны контрольдә тотыгыз

Гади ысуллар да нәтиҗәле:

* сулыш гимнастикасы,
* медитация,
* саф һавада йөрү.

4. Дөрес тукланыгыз

Рационга түбәндәгеләрне кертегез:

* В төркеме витаминнары,
* магний,
* цинк,
* Омега-3.

Ә менә шикәр һәм консервантларга бай ризыклардан баш тарту хәерлерәк.

5. Су балансын саклагыз

Су җитмәү организм өчен стресс булып тора һәм гормональ тигезлекне боза.

Язгы арыганлык — вакытлы күренеш, әмма аны игътибарсыз калдырырга ярамый. Дөрес йокы, туклану һәм стресс белән идарә итү ярдәмендә организмны тизрәк “уятырга” мөмкин.

Онытмагыз: энергия чыганагы — бер чынаяк каһвә түгел, ә сәламәт яшәү рәвеше.

Билгеле булганча, Татарстанда «Яшьләр һәм балалар» илкүләм проекты гамәлгә ашырыла.