Алмаз Миргаязов яңа кәнәфидә

- Бу көннәрдә яңа эш урынын үзләштерәм. 22 июль көнне «РБК-Татарстан» мәгълүмат агентлыгына җитәкче итеп билгеләделәр. (Моңа кадәр «Татар радиосы»ның мөхәррире иде. - Авт. ) Быелга яллар турында онытып торырга туры килер, ахрысы. Гаиләдә бар да тыныч. Тормыш иптәшем Флүзә 5,5 ел декрет ялыннан соң «Татар радио»сына эшкә чыкты. Ул анда реклама менеджеры. Зур улыбыз каникулда. 5 яшьлек кызыбыз Алсу бик матур итеп рәсем ясый, Алла боерса, көзгә сынлы сәнгать мәктәбенә бирергә уйлап торабыз. 3 яшьлек улыбыз Аслан бик пөхтә малай булып чыкты. Идәндә, өстәлдә бер чүп тотмый. Апасы белән уенчык­ларны таратып уйнасалар да, уйнап бетерүгә җыештырып куя. Хатыным белән: «Ниһаять, өченче тапкырдан пөхтә ярдәмче килеп чыкты бит», - дип сөенәбез.