Дилбәр Гарифуллина
Артур Минһаҗев: "Эчке тавышым "бу ул" диде"
Җырчы Артур Минһаҗев хатыны белән танышу тарихын фильмнарда, китаплардагы мәхәббәткә тиңли.
Җырчы Артур Минһаҗев хатыны белән танышу тарихын фильмнарда, китаплардагы мәхәббәткә тиңли.
Татарстанның атказанган артисты Артур Минһаҗев #айдадомой онлайн концертында катнашты.
Концертны караучылар аңардан булачак хатыны белән танышу тарихы турында сорашты. Аларга җавап итеп Артур: "Безнең танышу фильмнарда, китаплардагы кебек булды, - диде. - Бер-беребезне күзләр белән эзләп табыштык, эчке тавышым "бу ул" диде".
Бу хәл җырчы армиядән кайтып Мәдәният институтына укырга кергәч була. "Аның исеме дә бик ошады - Луиза исемле. Хатынымны яратам, хөрмәт итәм", - дип тә өстәде.
Луиза шулай ук музыкант, доцент, институтта укыта. Минһаҗевларның өйләнешкәненә 25 ел була икән, аларның бер кыз һәм бер уллары бар. Концертта уллары да җырлады.
Фото: vk.com
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар