Айгөл Бариева: «Быел кая барасыбыз билгесез»

Айгөл БАРИЕВА, Татарстанның атказанган артисты:
- Былтыр гаиләбез белән Грециядә ял итеп кайткан идек. Быел билгесез. Әле менә турфирмадан кайтып киләм. Хәзер, электәге белән чагыштырганда, сайлау мөмкинлеге чикләнгән. Ял итәргә барырга мөмкин булган урыннар кимегән. Юллама бәяләре нык кыйммәтләнгән. Июльдә без болай да беркая бармыйбыз, чөнки балаларның икесе дә «Сәләт» лагеренда ял итә. Ул алар өчен иң күңелле урын. Аннары авылга кайталар. Россиядәге ял итү урыннарына никтер күңел тартмый, сервиска ышаныч юк. Шифаханәләрдә бер тапкыр да ял иткәнем юк.