Айгөл Хәйруллина белән Зөлфәт Фәхретдиновны нәрсә бәйли?

Берзаман карыйм, бер өстәл артында танылган җырчы Зөлфәт Фәхретдинов белән “Болгар радиосы” алып баручысы Айгөл Хәйруллина көлешә-көлешә нидер сөйләшә. Бу ни бу? Яннарына барырга булдым.

“Нинди серләрегез бар, миңа да әйтегез әле”, - дим юри генә. “Туганнар арасында нинди сер булмас?” – ди Айгөл. Башта шаярта дип уйладым. Баксаң, Айгөл белән Зөлфәт, чынлап та, үзара туганнар икән! 17 елга якын шушы өлкәдә эшләп шуны белмәгәнмен! 

“Без – Әтнәдән, Зөлфәт - өчтуган энекәшем. Минем әнинең әтисе ягыннан, ә Зөлфәтнең әнисе ягыннан туганнар без. Минем әти белән Зөлфәтнең әнисе бер сыйныфта укыган. Күрше урамнарда яшибез. Өчтуган булса да, без бик якын, һәрвакыт аралашып торабыз”, - дип аңлатты Айгөл Хәйруллина.