#Шоу-бизнес 30 ноябрь 2020, 21:15

Азат Абитовка тиз арада кыйммәтле дарулар кирәк

30 ноябрь 2020, 21:15

Азатның сентябрьдә башланган “маҗаралары” дәвам итә: күптән түгел аңа кыйбатлы уколлар ясатырга туры килгән иде.

Скопировать ссылку

Азат Абитовка тиз арада кыйммәтле дарулар кирәк

Хәтерләсәгез, аның футбол белән шөгыльләнгән чагында зарарлаган аягына операция ясаганнар иде. Азат ул вакытта: “Операция әйбәт үтте, ләкин табиблар көткәннән әз генә авыррак килеп чыкты”, – дигән иде.

Тик, бер атнадан аякка басачаксың, дисәләр дә, ул ай ярым йөри алмаган. Сәбәбе – аяк бәйләвечләренең дә зарарлануында.
– Аларга да зыян килүе операция вакытында гына билгеле булды. Операциядән соң хәлем көтелгәннән начаррак иде, – ди Азат.

Нәтиҗәдә, Азатка кыйммәтле уколлар салдырырга туры килә. Хәзер инде хәлем яхшыра, ди ул:
– Уколлар кыйммәтле, тик ярдәме тими калмас. Сәхнәгә чыга алам, хәзер авыртулар да элеккечә көчле түгел кебек.

Әлегә Азатка артык физик нагрузкалардан читләшергә туры киләчәк. Белгечләр алты өй көтәргә киңәш иткән. Ә бер елдан соң тулысынча төзәлеп бетәчәк, дип ышандырганнар.

Без исә Азатның тизрәк терелеп бетүен һәм мондый авырлыкларның башка килеп чыкмавын телик!

Эльвира Шакирова

Кызыклы яңалыкларны күзәтеп бару өчен Т елеграмга кушылыгыз.