#Шоу-бизнес 13 февраль 2021, 13:44

Азат белән Гөлсириннең кавышу сәбәбе билгеле булды

13 февраль 2021, 13:44

Эстраданың яшь пары Гөлсирин Абдуллина белән Азат Абитов Рәшит Ваһапов исемендәге фестивальдә танышкан. Икесе дә әлеге фестивальнең лауреаты. Егет белән кыз булып йөри башлауларына нәрсә сәбәпче булган? Бу хакта безгә Гөлсирин сөйләде.

Скопировать ссылку

Азат белән Гөлсириннең кавышу сәбәбе билгеле булды

“Беренче тапкыр Азатны Ваһапов фестиваленең гала-концертында күрдем. Ул үзешчән башкаручы буларак җырлады. Тамашачы тарафыннан дәррәү алкышларга күмелгән Азатка мин дә игътибар иттем. Продюсерыбыз Рифат Фәттахов чакыруы буенча Чулпан Зиннәтуллина янына очрашуга, җыр сайларга баргач таныштык. Ә инде очраша башлавыбызга “Әллә нинди язмыш” җырына яздырылган дуэт сәбәпче булды. Җырны яздырганда, тагын да ныграк дуслаштык. Гастрольләр дә якынайтты. Мөнәсәбәтләрнең мәхәббәткә әверелгәнен сизми дә калдык. Аллаһка шөкер, бүгенге көндә матур гына яшибез, уйларыбыз һәрвакыт уртак”, - дип сөйләде безгә Гөлсирин.

Эльвира ШАКИРОВА

Кызыклы яңалыкларны күзәтеп бару өчен безнең МАХ каналына кушылыгыз.

#Гөлсирин Абдуллина #Азат Абитов #Ваһапов фестивале