#Шоу-бизнес 04 июль 2019, 12:24

Элвин Грей рестораннар ачырга җыена

04 июль 2019, 12:24

Башкортстанның атказанган артисты Элвин Грей Казанда һәм Уфада үз лейблы астында рестораннар ачмакчы була. Киләчәккә булган планнары турында ул интервьюсында әйтте.

Скопировать ссылку

– Быел көз без Уфада һәм Казанда үз рестораныбызны ачарга планлаштырабыз. Ул гына да түгел әле: брендлы киемнәр һәм тамашачылар өчен башка продукцияләр чыгарырга җыенабыз. Без үзебезнең тыңлаучыларыбызны өйрәнәбез, аларның теләкләрен истә тотып кирәкле әйберләр җитештерергә тырышырбыз, – ди җырчы.

Ресторанда милли кухня да булачак. Анда Элвин Грей үзенең фанатлары белән дә очрашырга ниятли.

Җырчы 2020 елда Мәскәүгә күченәчәге турында күптән түгел әйткән иде. Ул планнары да тормышка ашар, мөгаен.

– Үзем өчен яңа форматта эшли башлаячакмын. Продюсерлык белән ныклап шөгыльләнәчәкмен, – ди Радик.

Кызыклы яңалыкларны күзәтеп бару өчен безнең МАХ каналына кушылыгыз.

#Элвин ГРЕЙ