«Фәридә-Алсу» дуэтындагы Алсу Сөнгатуллина гастрольдә дә картина чигә

Киемнәрем аерылып торсын өчен төрле бизәкләр чигә идем. Ә картиналарны өч ел элек чигә башладым. Инде минем әзер алты картинам бар. Чигүнең рәхәтлеген әйтеп бетереп булмый. Картина иҗат иткәндә берни турында да уйламыйм, җанымны шунда салам. Дөрес, зур тырышлык һәм сабырлык сорый бу хезмәт. Бер картинаны чигү өчен генә дә 6-8 ай кирәк. Вакыт булганда гел шуның белән утырырга тырышам. Төнлә дә чигәм. Ерак гастрольләргә чыкканда да үземнән калдырмыйм, - ди Алсу.