Гөлназ Асаева: «Мин дә кеше, минем дә йөрәгем бар»

– Мин дә тимер түгел... Социаль челтәрдә минем шәхси номерым таралганнан соң, таныш булмаган номерлардан янаулар белән көндәлек шалтыратулар башланды, мин моңа игътибар итмәскә тырыштым. Тынычланырга ,үземне тискәре хәбәрләрдән сакларга тырыштым. Ләкин мин дә кеше, минем дә йөрәгем бар. Мин дә барысын йөрәккә якын кабул итәм. Миңа да авыр, гәрчә моны күрсәтергә тырышмасам да.  Безнең ничек ярдәм итүебез турында һәркемгә аңлатырга җыенмыйм. Кешелеклелегебез һәм булдыра алганча ярдәм итү теләгебезне йомшаклык, дип кабул итүчеләр дә бар... 
Ни өчен кайбер кешеләр шундый усал? Ярар, сәламәтлегемә зыян салса да, мин бу басымга түзә алам. Ә минем урында психологик яктан зәгыйфь кеше булса? Кешеләр сүзләренең нинди нәтиҗәгә китерә алуы турында гомумән уйламый...

Без монда сезнең белән бернәрсә дә хәл итә алмыйбыз,моның өчен суд бар. Ә ул булачак,эшне тикшерү комитетына тапшырдылар.
Ник эзәрлекләргә һәм кешегә яман сүзләр юлларга? Бу нәрсә бирә? Аңламыйм, - дигән Гөлназ.