Икенчегә йөкле Ләйсән Таишева хастаханәгә эләккән

“Барысы да кич белән башланды. Урамда йөреп кайтканнан соң, хәлсезлек тойдым. Арыганлык дип уйладым. Ә төнлә температура күтәрелде. Ике көн дәвамында тән температурасы бер менеп, бер төште. 40ка кадәр күтәрелгәч, “ашыгыч ярдәм” чакырттык. 

Сигез сәгать көткәннән соң, мине бер хастаханәдән икенчесенә йөрттеләр. Миллион анализ, тест, узи. Барысы да тиешле нормада иде. Шуңа күрә ПЦР-тест тискәре нәтиҗә күрсәткәч, мине өйгә җибәрделәр. 
Аннан соң тагын бик күп анализ тапшырдым, алары да әйбәт булды.

Нәрсә булды бу? Табышмак! Мөгаен, нәни кызыбыз көндәлек тормышыбызны хис-кичерешләр белән баетырга теләгәндер. Иң мөһиме – хәзер икебез белән дә барысы да яхшы. Мондый сюрпризлар бүтән кабатланмас дип ышанам”, - дип язган Ләйсән.